Միացեք մեզ

Աշխատանք IDeA հիմնադրամում

IDeA հիմնադրամը հարթակ է տրամադրում այնպիսի ծրագրերի իրականացման համար, որոնք փոխում են հայկական աշխարհը։ Հիմնադրամի կենտրոնակայանը գտնվում է Հայաստանի մայրաքաղաքում՝ Երևանում։

Ինչո՞ւ աշխատել IDeA հիմնադրամում:

IDeA-ի աշխատակիցները հավատարիմ են Հայաստանում իրական փոփոխություն բերելու և հայերի ինքնությունն ամբողջ աշխարհում հզորացնելու գաղափարին: Բոլոր նրանք, ովքեր միանում են IDeA-ին, հնարավորություն ունեն աննախադեպ փոփոխության մաս դառնալ և սեփական հետքը թողնել հայկական աշխարհում:

Մենք փնտրում ենք այնպիսի մարդկանց, ովքեր ցանկանում են լավագույնը լինել իրենց գործում. մարդիկ, ովքեր սիրում են անել ավելին, ստանալ ավելին և լինել ավելին, և որոնք լավագույն արդյունքին հասնելու համար մարտահրավերների առջև կանգ չեն առնում:

Մենք հպարտանում ենք այն մշակույթով, որը ձևավորվել է մեր աշխատակիցների օգնությամբ. մշակույթ, որը խրախուսում է նոր գաղափարները և գնահատում է արդյունքները: Նրանց համար, ովքեր ունեն պատշաճ որակավորում, կիսում են մեր արժեքները և հավատարիմ են ընդհանուր գործին, մասնագիտական աճի հնարավորություններն անսահման են։

Ուղարկեք մեզ Ձեր ինքնակենսագրականը և հնարավորություն ստացեք աշխատել մարդկանց հետ, ովքեր սիրում են աշխատել, գնահատում են նվիրվածությունը և լավատես են։

Տե՛ս թափուր հաստիքները

Իրավախորհրդատու

Սկիզբ : Անմիջապես

Տևողություն : Երկարաժամկետ

Վայր : Երևան, Հայաստան

Աշխատանքի նկարագիր :

"Հայաստանի զարգացման նախաձեռնություններ" (IDeA) հիմնադրամը փնտրում է Իրավախորհրդատու:

Աշխատանքային պարտականությունները :

  • Կազմել և վերանայել պայմանագրեր, կորպորատիվ որոշումներ, իրավաբանական եզրակացություններ և այլ իրավական փաստաթղթեր:
  • Ներկայացնել Հիմնադրամը պետական մարմիններում:
  • Տրամադրել խորհրդատվություն Հիմնադրամի կողմից իրականացվող տարբեր նախագծերի վերաբերյալ:
  • Տրամադրել ճշգրիտ և ժամանակին խորհրդատվություն տարատեսակ իրավական հարցերի շուրջ:
  • Մշակել քաղաքականություններ և կանոնակարգեր:
  • Իրականացնել իրավական խնդիրների ուսումնասիրություն և վերլուծություն:

Պահանջվող որակավորումները :

  • Իրավագիտության բակալավրի աստիճան (Իրավագիտության մագիստրոսի աստիճանը նախընտրելի է):
  • Իրավաբանական ընկերությունում չորս տարվա աշխատանքի կամ ներքին իրաբավանական խորհրդատուի փորձ:
  • ՀՀ քաղաքացիական օրենսգրքի, պայմանագրային իրավունքի, հողային օրենսգրքի և մտավոր սեփականության լավ իմացություն:
  • Թիմի լավ անդամ է և ունի մասնագիտական էթիկայի բարձր որակներ:
  • Հայաստանում իրավաբանական գործունեության լիցենզիայի առկայությունը նախընտրելի է:

Դիմելու ընթացակարգը :

Բոլոր հետաքրքրված թեկնածուներին խնդրում ենք ուղարկել իրենց CV-ները [email protected] էլ․հասցեին։ Խնդրում ենք նամակի վերնագրում նշել պաշտոնի անվանումը հետևյալ կերպ՝ “Legal Counsel”։ IDeA հիմնադրամը շնորհակալ է բոլոր հետաքրքրված դիմորդներին, այնուամենայնիվ, հարցազրույցի կհրավիրվեն միայն ընտրության նախնական փուլն անցած թեկնածուները։

IDeA հիմնադրամի մասին :

IDeA («Հայաստանի զարգացման նախաձեռնություններ») բարեգործական հիմնադրամը ստեղծվել է գործարարներ և բարերարներ Ռուբեն Վարդանյանի ու Վերոնիկա Զոնաբենդի կողմից: Հիմնադրամի ուշադրության կենտրոնում են այն ծրագրերը, որոնք կարող են ապահովել սոցիալ-տնտեսական էական արդյունք՝ աջակցելով երկրի անցմանը գոյատևումից բարեկեցության մոդելի: IDeA հիմնադրամը խրախուսում է Հայաստանում սոցիալական ձեռներեցության գաղափարը` երկարաժամկետ ծրագրերում ներդրումներ կատարելու և դրանց հետագա կայուն ընթացքն ապահովելու միջոցով:

Վերջնաժամկետ : Մարտ 10, 2019

Բովանդակության համակարգող

Սկիզբ : Հնարավորինս շուտ

Տևողություն : Երկարաժամկետ՝ 3 ամիս փորձաշրջանով

Վայր : ք. Երևան, Հայաստան (հնարավոր են գործուղումներ ինչպես Հայաստանի տարածքում, այնպես էլ Հայաստանի տարածքից դուրս)

Աշխատանքի նկարագիր :

Բովանդակության համակարգողը  հավաքագրելու և մշակելու է բովանդակություն տարբեր հարթակների և թիրախային լսարանների համար, մշակելու է սոցիալական մեդիայի և մարքեթինգի ռազմավարությունը, համակարգելու է ընկերության կայքը։
 

Պարտականությունները ներառում են. 

  • Բովանդակության ստեղծում` մշակում, օժանդակում և համակարգում է բովանդակության ստեղծումը; 
  • Կայքի և սոցիալական մեդիայի կառավարում` տրամադրում է բարձր որակի  բովանդակություն սոցիալական մեդիայի հարթակներում տեղադրելու համար;  
  • Հաղորդակցության թիմին ցուցաբերում է անհրաժեշտ օժանդակություն։ 

Բովանդակության պատասխանատուն սերտ համագործակցելու է PR և Մարքեթինգի ղեկավարների, ինչպես նաև այլ գործընկերների հետ և հաշվետու է լինելու մարքեթինգի ղեկավարին:   

Աշխատանքային պարտականությունները :

  • Մշակում և իրականացնում է բովանդակության ռազմավարությունը;
  • Մշակում է թիրախային լսարանի հետաքրքրություններին համապատասխանող և հարթակերին վերաբերող խմբագրական բովանդակություն;
  • «IDeA» հիմնադրամի   կայքերում և սոցիալական մեդիայի հարթակներում  մշակում/գրում, թարգմանում, խմբագրում և հրատարակում է բովանդակություն;
  • Կազմակերպում է շնորհանդեսներ, մշակում է բրոշյուրներ, թռուցիկներ և այլ մարքեթինգային նյութեր;
  • Բովանդակություն է ստեղծում հանրային հաշվետվությունների և դոնորների ներկայացվող հաշվետվությունների համար;
  • Ըստ պահանջի օժանդակություն է ցուցաբերում մեկանգամյա հանձնարարականներով և առաջադրանքներով:

Պահանջվող որակավորումները :

  • Առնվազն բակալավրի աստիճան համապատասխան ոլորտում;
  • Հայերեն, ռուսերեն և անգլերեն լեզուներով գրելու/խմբագրելու և բանավոր հաղորդակցվելու գերազանց հմտություններ: Այլ լեզվի իմացությունը կդիտարկվի որպես առավելություն;
  • 3-5 տարվա փորձ բովանդակության զարգացման, հաղորդակցության կամ ժուռնալիստիկայի ոլորտում;
  • Նպատակների իրականացմանն ուղղված անհատականություն, ով օժտված է բազմակի աշխատանքներ կատարելու ունակությամբ;
  • Թիմում աշխատելու ունակություն; 
  • Գերազանց կազմակերպչական հմտություններ, մանրամասների ուշադրություն դարձնելու կարողություն;
  • Հաղորդակցման գերազանց  հմտություններ

Դիմելու ընթացակարգը :

Հետաքրքրված թեկնածուներն իրենց ինքնակենսագրությունները (CV) կարող են ուղարկել  [email protected] էլեկտրոնային հասցեին՝ նամակի թեմայի դաշտում նշելով «Բովանդակությանհամակարգող»:   Ընկերությունը շնորհակալ է բոլոր թեկնածուներից, սակայն հարցազրույցի կհրավիրվեն միայն ընտրված մասնակիցները:

IDeA հիմնադրամի մասին :

«Հայաստանի զարգացման նախաձեռնություններ» (IDeA) հիմնադրամը ստեղծվել է գործարարներ և բարերարներ Ռուբեն Վարդանյանի և Վերոնիկա Զոնաբենդի կողմից: Հիմնադրամի ուշադրության կենտրոնում են այն ծրագրերը, որոնք ապահովում են սոցիալ-տնտեսական էական զարգացում՝ աջակցելով երկրի անցմանը գոյատևումից բարեկեցության: IDeA հիմնադրամը խրախուսում է Հայաստանում սոցիալական ձեռներեցության գաղափարը` երկարաժամկետ, շահույթ չհետապնդող ծրագրերում ներդրումներ կատարելու և դրանց հետագա կայուն ընթացքն ապահովելու միջոցով:

Վերջնաժամկետ : Փետրվար 22, 2019

Մարքեթինգի գծով ղեկավար

Սկիզբ : Հնարավորինս շուտ

Տևողություն : Երկարաժամկետ՝ 3 ամիս փորձաշրջանով

Վայր : ք. Երևան, Հայաստան (հնարավոր են գործուղումներ ինչպես Հայաստանի տարածքում, այնպես էլ Հայաստանի տարածքից դուրս)։

Աշխատանքի նկարագիր :

Մարքեթինի ղեկավարը զարգացնելու և ուղղորդելու է  մարքեթինգային բոլոր տեսակի գործունեության ռազմավարությունը, մշակելու է ինտեգրված մարքեթինգային արշավներ` արտադրանքի, ծառայության կամ նոր գաղափարի զարգացման, ինչպես նաև  «IDeA» բրենդի և նրա ծրագրերի ճանաչելիության բարձրացման նպատակով:

Հանդես գալով որպես հաղորդակցության գծով գործընկեր` մարքեթինգի ղեկավարը մի շարք ռազմավարական նախաձեռնությունների շրջանակներում սերտ համագործակցելու է PR թիմի,  դիզայների, ինչպես նաև կազմակերպության այլ ավագ գործընկերների հետ: Մարքեթինգի ղեկավարը հաշվետու է Հաղորդակցության և Մարքեթինգի գծով գլխավոր պատասխանատուին (CCMO):

Աշխատանքային պարտականությունները :

  • Իրականացնում է մարքեթինգային հետազոտություններ և վերլուծություններ;
  • Մշակում է  «IDeA» հիմնադրամի,  «ՏաԹևեր» և այլ ծրագրերի մարքեթինգային ռազմավարությունը, այդ թվում` հաղորդակցության և մարքեթինգի գծով գլխավոր պատասխանատուի և գործառնությունների տնօրենի հանձնարարականների հիման վրա մշակում է  տարեկան նպատակները և խնդիրները, սահմանում է ծրագրերի թիրախավորումը և դիրքավորումը, թարմացնում է ներկա դիրքավորման վերաբերյալ առկա տվյալները:
  • Սահմանում և տնօրինում  է ընկերության կողմից հատկացրած և ծրագրով հաստատված մարքեթինգային գործունեության համար նախատեսված բյուջեն; 
  • «Տաթևի թևեր»  ծրագրի, ինչպես նաև անհրաժեշտության դեպքում այլ ծրագրերի համար մշակում է նոր պրոդուկտներ և գովազդային արշավներ;   
  • Մշակում և իրականացնում է գովազդային ծրագրեր. շարունակական հետազոտություններ է իրականացնում  ծրագրերի խթանման հարթակներում, բանակցություններ է վարում գովազդային հարթակներ տրամադրողների հետ, տեղադրում է գովազդ, իրականացնում է մոնիտորինգ և ներկայացնում է հաշվետվություններ;    
  • Ստեղծում է  մարքեթինգային և տեղեկատվական նյութեր տարբեր թիրախային խմբերի համար, այդ թվում` մշակում է գաղափարները, բովանդակությունը, համակարգում  է դիզայնի և հրատարակման գործընթացները;
  • PR թիմի հետ համատեղ  մշակում և ղեկավարում է համայնքների, հասարակության և գործընկերների ներգրավմանը ուղղված միջոցառումներ;
  • Վերահսկում է սոցիալական մեդիայի մարքեթինգը և ընկերության կայքը;
  • Մշտապես վերահսկում է  օգտագործվող գործիքների արդյունավետությունը, փնտրում է նոր գործիքներ և մեթոդներ;    
  • Կիրառում է նոր գաղափարներ, ոլորտի լավագույն  փորձը  և կայացնում է ղեկավար որոշումներ: Թիմի անդամների մասնագիտական աճը խթանելու  նպատակով կիսվում է գիտելիքներով;
  • Ժամանակին բացահայտում, վերացնում է  ի հայտ եկած խնդիրները;  
  • Մշտապես հաշվետվություններ է ներկայացնում  հաղորդակցության և մարքեթինգի գծով գլխավոր պատասխանատուին;

Պահանջվող որակավորումները :

  • Մագիստրոսի աստիճան մարքեթինգի կամ հարակից ոլորտում;
  • Հայերեն, ռուսերեն և անգլերեն լեզուներով գրելու/խմբագրելու և բանավոր հաղորդակցվելու գերազանց հմտություններ: Այլ լեզվի իմացությունը կդիտվի որպես առավելություն;
  • 3-5 տարվա փորձ մարքեթինգի կամ հաղորդակցության  ոլորտներում;
  • Հաջողված մարքեթինգային ռազմավարության, արշավների մշակման և իրականացման փորձ;
  • Տարբեր նախաձեռնություններով հանդես գալու և դրանք ղեկավարելու հստակ փորձ։   
  • Անկախ նախաձեռնող, ով սիրում է հանդես գալ նոր նախաձեռնություններով և իրականացնել դրանք;
  • Առաջնահերթությունների,  հանձնարականների և վերջնաժամկետների  հակասական պայմաններում աշխատելու ունակություն:
  • Համագործակցային հարաբերություններ կառուցող  անհատականություն, ով մեծ պատրաստակամությամբ կհամագործակցի բոլոր շահագրգիռ անձանց՝ այդ թվում, անձնակազմի, խորհրդի անդամների, կամավորների, դոնորների, ծրագրի մասնակիցների և այլ  անձանց հետ։  

Դիմելու ընթացակարգը :

Հետաքրքրված թեկնածուներն իրենց ինքնակենսագրությունները (CV) կարող են ուղարկել  [email protected] էլեկտրոնային հասցեին՝ նամակի թեմայի դաշտում նշելով «Մարքեթինգիղեկավար»:  Ընկերությունը շնորհակալ է բոլոր թեկնածուներից, սակայն հարցազրույցի կհրավիրվեն միայն ընտրված մասնակիցները:

IDeA հիմնադրամի մասին :

«Հայաստանի զարգացման նախաձեռնություններ» (IDeA) հիմնադրամը ստեղծվել է գործարարներ և բարերարներ Ռուբեն Վարդանյանի և Վերոնիկա Զոնաբենդի կողմից: Հիմնադրամի ուշադրության կենտրոնում են այն ծրագրերը, որոնք ապահովում են սոցիալ-տնտեսական էական զարգացում՝ աջակցելով երկրի անցմանը գոյատևումից բարեկեցության: IDeA հիմնադրամը խրախուսում է Հայաստանում սոցիալական ձեռներեցության գաղափարը` երկարաժամկետ, շահույթ չհետապնդող ծրագրերում ներդրումներ կատարելու և դրանց հետագա կայուն ընթացքն ապահովելու միջոցով:

Վերջնաժամկետ : Փետրվար 22, 2019

Աշխատակազմի ղեկավար (Տեխնիկական բաժին)

Սկիզբ : Հնարավորինս շուտ

Տևողություն : Երկարաժամկետ՝ 3 ամիս փորձաշրջանով

Վայր : Հալիձոր, Հայաստան

Աշխատանքի նկարագիր :

«Իստեյտ Մենեջմենթ ընդ Ադմինիսթրեյշն Քամփնի» ՓԲԸ (Տաթևի թևեր ճոպանուղի) փնտրում է Աշխատակազմի ղեկավար (Տեխնիկական բաժին):

Աշխատանքային պարտականությունները :

  • Վերահսկել ճոպանուղու երկու կայանները /Հալիձոր, Տաթև/ այդ թվում` ճարտարագետ-մեխանիկների, ճարտարագետ-էլեկտրիկների և ուղեկցորդների աշխատանքը;
  • Կազմակերպել ճոպանուղու պատշաճ և անվտանգ շահագործումը համաձայն ցուցումների, հաստատված կարգերի և տեխնիկական կանոնակարգերի (ստանդարտների);
  • Մշակել ճոպանուղու շահագործման անհրաժեշտ կարգերը;
  • Ապահովել գործառնությունների պատշաճ հաշվառումը, այդ թվում` օրական կտրվածքով կատարել գրառումներ,  ճոպանուղու տնօրենին պարբերաբար ներկայացնել հաշվետվություններ գործառնությունների իրականացման վերաբերյալ;
  • Մեքենայական և շահագործման  սենյակներում ապահովել կարգուկանոնը, իրականացնել գույքի պահպանումը;
  • Համաձայն հաստատված նորմատիվների կազմակերպել ճոպանուղու մեքենա–մեխանիզմների, տեխնիկական հանգույցների տեխնիկական սպասարկման և վերանորոգման աշխատանքները և վերահսկումը,
  • Ապահովել փաստաթղթաշրջանառությունը և լրացնել անհրաժեշտ փաստաթղթերը,
  • Վերահսկել ճոպանուղու տեխնիկական վիճակը և անվտանգ շահագործումը,
  • Մշակել ճոպանուղու շահագործման կանոնները,  տեխնիկական հանգույցներում իրականացել պարբերական զննում և վերահսկողություն,
  • Ապահովել սահմանված տեխնիկական նորմերի և անվտանգ շահագործման պահանջների կիրառումը;
  • Մշակել և  տնօրենի հաստատմանը ներկայացնել գնումների տարեկան ծրագիրը;
  • Մշակել տարեկան միջոցառումների, պարգևավճարների, վերապատրաստումների և գործուղունմերի  ծրագիրը;
  • Մշակել աշխատակիցների տարեկան արձակուրդների գրաֆիկը;
  • Ստորաբաժանումների ղեկավարների հետ քննարկումների արդյունքում մշակել թափուր հաստիքների աշխատանքի  նկարագրությունը;  
  • Փորձաշրջանի ընթացքում գնահատել նոր աշխատակիցների կատարողականների արդյունքները;
  • Ստեղծել աշխատակիցների կատարողականների գնահատման մեթոդներ և դրանց իրականացման մեխանիզմներ; 
  • Փոխարինել տնօրենին վերջինիս բացակայության ընթացքում;
  • Տնօրենի հանձնարարությամբ կատարել այլ պարտականություններ;

Պահանջվող որակավորումները :

  • Մագիստրոսի աստիճան մեքենաշինության, տրանսպորտային համակարգերի կամ հարակից ոլորտներում,   
  • 3- 5   տարվա աշխատանքային փորձ նմանատիպ պաշտոնում,
  • Հաղորդակցման և կոնֆլիկտների կառավարման լավ հմտություններ,
  • Համակարգչային գրագիտություն,
  • Հայերեն լեզվի գերազանց իմացություն, անգլերեն և ռուսերեն լեզուների լավ իմացություն,
  • Անկախ, ինչպես նաև թիմում աշխատելու ունակություն;
  • Սահմանված ժամկետների պահպանմամբ բարձր որակի ապահովման ունակություն։

Դիմելու ընթացակարգը :

Հետաքրքրված թեկնածուներն իրենց ինքնակենսագրությունները (CV) կարող են ուղարկել  [email protected]. էլեկտրոնային հասցեին՝ նամակի թեմայի դաշտում նշելով “Աշխատակազմի ղեկավար (տեխնիկական բաժին) ։ Ընկերությունը շնորհակալ է բոլոր թեկնածուներից, սակայն հարցազրույցի կհրավիրվեն միայն ընտրված մասնակիցները:    

IDeA հիմնադրամի մասին :

«Հայաստանի զարգացման նախաձեռնություններ» (IDeA) հիմնադրամը ստեղծվել է գործարարներ և բարերարներ Ռուբեն Վարդանյանի և Վերոնիկա Զոնաբենդի կողմից: Հիմնադրամի ուշադրության կենտրոնում են այն ծրագրերը, որոնք ապահովում են սոցիալ-տնտեսական էական զարգացում՝ աջակցելով երկրի անցմանը գոյատևումից բարեկեցության: IDeA հիմնադրամը խրախուսում է Հայաստանում սոցիալական ձեռներեցության գաղափարը` երկարաժամկետ, շահույթ չհետապնդող ծրագրերում ներդրումներ կատարելու և դրանց հետագա կայուն ընթացքն ապահովելու միջոցով:

Վերջնաժամկետ : Փետրվար 21, 2019

Եթե ներկայում Ձեր որակավորումներին համապատասխանող հաստիքներ չկան, ապա կարող եք ուղարկել մեզ Ձեր ինքնակենսագրականը հետևյալ հասցեով՝ [email protected]՝ այն ապագայում դիտարկելու համար: