IDeA-ն Հայաստանում գրանցված շահույթ չհետապնդող բարեգործական բազմապրոֆիլ հիմնադրամ է: Մեր նպատակն է ամբողջ աշխարհում Հայաստանի և հայկական ինքնության ամրապնդմանն ու բարգավաճմանն ուղղված տնտեսական, սոցիալական ու մշակութային երկարաժամկետ ծրագրերի, ինչպես նաև սոցիալական ազդեցության համաշխարհային այլ նախաձեռնությունների աջակցության իրականացումն ու օժանդակումը:
Համատեղ ուժերով մենք կզարգացնենք Հայաստանի բարեգործական ենթակառուցվածքները։ Կզորացնենք այլոց, որ ստեղծագործեն կայուն էկոհամակարգում: Եվ կմշակենք ու կաջակցենք նախաձեռնությունների, որոնք ուղղված են այդ ապագայի կառուցմանը՝ ներառյալ Ռուբեն Վարդանյանի, նրա ընտանիքի և գործընկերների ձեռնարկած և նրանց կողմից հովանավորվող նախաձեռնությունները:
Մեր կատարած յուրաքանչյուր քայլ առաջնորդվում է վեց ուղենիշային սկզբունքներով, որոնք ապահովում են մեր հաշվետվողականությունն ու կայունությունը: Եվ դրանք հավատարմորեն հետևելը մեզ պահում է կենտրոնացած, նպատակամետ ու ռազմավարական:
Ավելի բարձր չափանիշ են սահմանում ազդեցիկ, չափելի եղանակով նվաճումների և ներուժի համար։
Ստեղծում են ներգրավվածության բաց հարթակ տեղական գործընկերների, միջազգային շահառուների և կառավարության համար։
Ամրակայում են մյուս նախագծերը և միաժամանակ ներգործում բազմաթիվ այլ ոլորտների վրա։
Համակշռում են և ժամանակի ընթացքում ստեղծում ազդեցության շղթայական ռեակցիա։
Օգտագործում են շահույթի և բարեգործական ներդրման խառնուրդ՝ երկարաժամկետ ինքնակայունություն ապահովելու համար։
Վեր են հանում ծրագրման և կառավարման միջազգային լավագույն փորձը։
Գերազանց գործելու մեր վճռկանությունը բխում է մեր առաջնորդների ուժից: IDeA-ի թիմն անխոնջ աշխատում է՝ ապահովելու համար մեր աշխատանքի անբասիր իրականացումը։
Տնօրեն
Արմեն Մինասյանը IDeA բարեգործական հիմնադրամի տնօրենն է։ Նա ավարտել է Երևանի պետական բժշկական համալսարանը և դարձել ակնաբույժ, այնուհետև նեյրովարքագիտության դասընթացներ է անցել Կոլումբիայի և Ստանֆորդի համալսարաններում: Արմեն Մինասյանը կարևոր դեր ունի նաև Առողջապահության հարթակում։
Գործառնությունների գծով տնօրեն
Լիանա Յորդանյանը ղեկավարում է IDeA-ի գործառնությունները: Նա նաև հիմնադրամի իրավաբանական հարցերով տնօրենն է: Մասնագիտական գործունեության ընթացքում Լիանան իրավական կարևոր խնդիրների և բազմամիլիոն դոլար արժողությամբ գործարքների վերաբերյալ խորհրդատվություն է տրամադրել խոշոր ընկերությունների, բանակցել է նրանց անունից, ինչպես նաև զբաղվել տարբեր ոլորտների դատական գործերով: Նա ստեղծել և ղեկավարել է բարձր արդյունավետությամբ աշխատող թիմեր, որոնք բազմաբնույթ հարցերի վերաբերյալ իրավաբանական ծառայություններ են մատուցել խոշոր բիզնեսների և գլոբալ կազմակերպությունների:
Լիանան խորհրդատվություն է տրամադրել ԱՄՆ Միջազգային զարգացման գործակալությանը և Համաշխարհային բանկին օրենքի նախագծի մշակման վերաբերյալ։
Նա մի շարք կազմակերպությունների խորհրդի անդամ է, որոնց գործունեությունն ուղղված է մարդասիրական նպատակներին և մասնագիտական զարգացմանը:
Լիանան փաստաբան է, Հայաստանի Հանրապետության փաստաբանների պալատի անդամ է։
Լիանան իրավագիտության մագիստրոսի աստիճանն ստացել է Բոստոնի համալսարանում և ԱՄՆ-ում զբաղվել է իրավաբանական գործունեությամբ:
Ֆինանսական տնօրեն
Սերգեյ Ասատրյանը IDeA հիմնադրամի ֆինանսական տնօրենն է։ Ավարտելով Երևանի պետական համալսարանի և Հայաստանի Ամերիկյան համալսարանի տնտեսագիտության և արդյունաբերական ճարտարագիտության բաժինը՝ Սերգեյն օգնել է Հայաստանի հիմնական բիզնես խմբերի ֆինանսների զարգացմանն ու կառավարմանը։
IDeA-ն հպարտությամբ բաց և ազդեցիկ նախաձեռնությունների միջոցով ակտիվորեն ներդրումներ է կատարում Հայաստանի աճի գործում՝ աջակցելով սոցիալական ազդեցության նախաձեռնություններին ողջ աշխարհում: Եվ մենք սիրով ձեզ ենք ներկայացնում անցնող տարվա մարտահրավերներն ու հաջողությունները:
