ԱՎՐՈՐԱ ՄԱՐԴԱՍԻՐԱԿԱՆ ՆԱԽԱՁԵՌՆՈՒԹՅՈՒՆ

«Ավրորա» մարդասիրական նախաձեռնությունը ձգտում է լուծել մարդասիրական խնդիրներն աշխարհի տարբեր անկյուններում՝ տեղում օգնելով ամենակարիքավորներին: Նախաձեռնության հիմքում հայ ժողովրդի պատմությունն է․ այն ստեղծվել է Հայոց ցեղասպանությունը վերապրողների անունից՝ ի երախտագիտություն նրանց փրկողների, ձգտելով այս փորձառությունը վերափոխել համաշխարհային շարժման:

«Ավրորայի» ողջ գործունեությունը հիմնված է համամարդկային «Երախտագիտությունն՝ ի գործ» գաղափարի վրա: Սա նշանակում է, որ աշխարհում անհամար մարդիկ, որոնք օգնություն են ստացել դժվարին պահին պահին, իրենց երախտագիտությունը լավագույնս կարող են արտահայտել՝ նույնպիսի աջակցություն տրամադրելով մեկ ուրիշի: Ամբողջ աշխարհից ներգրավելով «Ավրորայի» աջակիցների՝ նախաձեռնությունը վերածվել է համաշխարհային շարժման և «ձնագնդի» ազդեցությամբ ընդլայնում է փրկողների շրջանակը, և ամենակարևորը՝ մեծացնում փրկվածների թիվը: