ԽԱՐՍԽՈՒՄ

ԾՐԱԳՐԵՐ ԳՅՈՒՄՐԻՈՒՄ

Գյումրին ռազմավարական դարպաս է և կենտրոնական վայր հյուսիսային Հայաստանի զբոսաշրջության զարգացման համար,: Այն մեր ռազմավարության 5 կարևորագույն աշխարհագրական կետերից մեկն է զբոսաշրջության և քաղաքաշինության մեծ տեսլականի շրջանակներում: Այստեղ մենք սկսել ենք ջանքեր ներդնել՝ ընդգծելու և շեշտելու համար քաղաքի գեղեցկությունն ու պատմական արժեքը: Գործունեության սկզբնական փուլերում`, նախքան սեփական նախագծերի մշակումը, համագործակցել և աջակցել ենք մեր գործընկերների նախաձեռնություններին:

«Հույս» Գյումրիի Շենացման Ծրագիր

«Հույս» Գյումրիի Շենացման Ծրագիր շահույթ չհետապնդող քաղաքաշինական հիմնադրամ էր, որը կենտրոնացած էր տարբեր ոլորտներում Գյումրու բարելավման վրա՝ քաղաքում բնակչության նվազման ճգնաժամը զսպելու կամ վերացնելու համար: Նախագծի նախաձեռնողներից են Վահան Քոլոլյանը, Հայկական բարեգործական ընդհանուր միությունը (ՀԲԸՄ) և Հայ օգնության միությունը (ՀՕՄ):

«Հույս» Գյումրիի Շենացման Ծրագիր ը տարբեր հետազոտություններ է իրականացրել երկարաժամկետ գլխավոր ծրագիր մշակելու համար` կենտրոնանալով ենթակառուցվածքների զարգացման, բնակարանային խնդիրների ու հեռանկարների, կրթության, մշակույթի զարգացման, զբոսաշրջության, գյուղատնտեսության, արդյունաբերության վերածննդի ու վերականգնման և դրանց հետագա զարգացման հեռանկարների մի շարք այլ ոլորտների վրա:

Կումայրիի պատմական շրջանի ներառում

Գյումրու «Կումայրի» պատմաճարտարապետական համալիրը քաղաքաշինական մեծ համալիր է, որը զբաղեցնում է մոտ 1000 հա տարածք և ներառում է ավելի քան 1600 ճարտարապետական հուշարձան, որոնք թվագրվում են 19-րդ և 20-րդ դարերի սկզբով և դեռևս 1980 թվականին պաշտոնապես ստացել են հուշարձանի կարգավիճակ։ Դրանք բնակելի տներ են, հասարակական շենքեր, արդյունաբերական շինություններ, արհեստանոցներ, եկեղեցիներ, կամուրջներ, ռազմական կառույցներ, ստորգետնյա հոսող ջրի համակարգ, բաղնիքներ և այլն:

Քաղաքաշինական այս պատմական համալիրը, որը չափազանց հարուստ է հուշարձաններով, տարեցտարի ավելի ու ավելի անմխիթար վիճակում էր հայտնվում. հուշարձաններից շատերը ծայրահեղ վատ վիճակում էին՝ ավերվելու շեմին։

2017 թվականին «Հույս» Գյումրիի Շենացման Ծրագիրը և Հայաստանի Կենտրոնական բանկը միավորվեցին՝ մշակելու Կումայրի պատմական թաղամասի ինտեգրման ծրագրի առաջարկ:

«Հույս» Գյումրիի Շենացման Ծրագիրն իրականացրել է առկա գույքի հանգամանալից վերլուծություն, դրանք դասակարգել ըստ ազգային, տեղական և առաջարկվող ժառանգությունների և, ի վերջո, առանձնացրել է բիզնեսի հետագա ընդլայնման համար մատչելի տարածք:

Արդյունքում, «Կումայրիի վերածննդի ծրագիրը» փորձարկվեց Կառավարության կողմից, որին աջակցեցին միջազգային և մասնավոր դոնորներ: Ծրագրի շրջանակներում վերակառուցվեցին երկու հիմնական` Ռուսթավելու և Շիրազի փողոցներն ու 7 փոքր հարակից փողոց: Մինչ օրս տարածքում ձևավորվել է ավելի քան 10 հյուրընկալության բիզնես, իսկ զբոսաշրջիկների հոսքը բազմապատկվել է:

Անիի դիտահարթակ

Այս գաղափարը միտված է Հայաստանում զարգացնելու այն տարածքը, որտեղից տեսարան է բացվում դեպի հնագույն հայկական միջնադարյան Անի քաղաքը, որը գտնվում է Թուրքիայում: 2016 թ.-ի հուլիսին Անին ընդգրկվեց ՅՈՒՆԵՍԿՕ -ի համաշխարհային ժառանգության ցանկում: 10 -ից 14 -րդ դարերում Անին կարևոր առևտրային քաղաք էր, որը գտնվում էր Մետաքսի ճանապարհին և տարածվում էր Չինաստանից մինչև Եվրոպա: Անին ստացել է «հազար ու մի եկեղեցիների քաղաք» ավանդական կոչումը:

ԳՅՈՒՄՐԻ: Ի լրումն այդ ամենի, հովանավորել ենք նաև մի շարք մշակութային նախաձեռնություններ։

ՄԱՐԻՆԵ ԱԼԵՍԻ ՀԱՄԵՐԳԸ

Մարինե Ալեսի «Ձեզանից մեկը» համերգաշարից մեկն անց է կացվել է Գյումրիում 2015-ին:

Համերգներին զուգահեռ նվերատվություններ են կատարվել մշակութային կենտրոններին: Գյումրու Շերամի անվան երաժշտական դպրոցը և Գյումրու քաղաքապետարանի «Անի» նվագախումբը ստացան փողային գործիքներ:

ԲԼՅՈՒԶԻ ԱՆԹՈԼՈԳԻԱ, ՄԱՍ 2

Վլադիմիր Ավետիսյանի և D’Black Blues Orchestra-ի համերգը

«ՀԱՐԹԱԿ» ՓԱՌԱՏՈՆ

«Հարթակ» փառատոնի հիմքում «փորձի փոխանակում» հասկացությունն է. գիտելիքը՝ գիտելիքի դիմաց, հմտությունը՝ հմտության դիմաց ազատ փոխանակում: Այս գաղափարն իրականանում է տարբեր թեմաների շուրջ չորս բաժիններից բաղկացած մի շարք սեմինարների միջոցով՝ արվեստ, տեխնոլոգիաներ, առողջ ապրելակերպ, «DIY» («Արա ինքդ»):

ՌՈՔ ՓԱՌԱՏՈՆ ՍԵՎ ԲԵՐԴՈՒՄ

«Գյումրի Ռոք Փառատոն-2016»՝ նվիրված Հայաստանի Անկախության 25-ամյակին: Գյումրին հյուրընկալեց տասնյակ հայկական և արտասահմանյան ռոք խմբերի:

Վերադառնալ սկիզբ

Սիրելի՛ այցելու,

Ուրախ ենք, որ հետաքրքրված եք IDeA  հիմնադրամի գործունեությամբ:

Այս հարթակում Դուք  կարող եք ծանոթանալ երկու տասնամյակ շարունակվող մտորումների, ձգտումների, գործի հանդեպ նվիրումի և Հայաստանը ծաղկուն երկիր դարձնելու մեր երազանքի իրականացման ուղղությամբ կատարած աշխատանքներին: Ճանապարհը երկար է եղել, և բազմաթիվ են եղել մտորումները։ Բայց մենք կարողացել ենք հասնել նրան, որ մեր աշխատանքն իր դրոշմն է թողել միլիոնավոր մարդկանց կյանքի վրա, և մենք իսկապես հպարտանում ենք դրանով:

Մեր նվաճումները հարյուր հազարավոր գործիչների ու կամավորների, տասնյակ հազարավոր բարերարների ու համախոհների, հարյուրավոր գործընկերների և տասնյակ հիմնադիր-գործընկերների համատեղ ջանքերի արդյունք են։ Մենք միասնաբար ցույց տվեցինք, թե ինչ հրաշքների կարելի է հասնել, երբ մարդիկ ձգտում են ընդհանուր նպատակի իրականացման:

Թույլ տվեք մեր ընտանիքին, որին բախտ է վիճակվել սկզբից ևեթ ականատես լինելու այդ նշանակալի նվաճումներին, իր անկեղծ երախտագիտությունը հայտնել բազմաթիվ հրաշալի, հոգատար, նպատակասլաց մարդկանց ու կազմակերպություններին, որոնք հնարավոր են դարձրել այս բոլոր ձեռքբերումները: Պատիվ ունենք ներկայացնելու նրանց հաջողությունները և մեր երախտագիտությունը հայտնելու նրանց։

Մենք փորձել ենք ներկայացնել Հայաստանն ավելի լավ ապագայի առաջնորդող մեր ճանապարհի գլխավոր ուղենիշները, խոսել քաղած դասերի, նոր մոտեցումների ու նախաձեռնությունների մասին, որոնք ծնվել են մեր փորձի արդյունքում. 700 ծրագիր՝ վերջին 20 տարվա ընթացքում:

Հուսով ենք, որ այս աշխատանքներին ծանոթանալը  Ձեզ համար նույնքան հաճելի կլինի, որքան մեզ համար՝ դրանց մասին պատմելը:

Բայց ավելի կարևորն այն է, որ կցանկանայինք Ձեզ տեսնել այն հայերի շարքում, որոնք մեզ հետ միասին ապագայում կշարունակեն այդ ճանապարհը:

Եթե ապագայի ընդհանուր մտապատկերի իրագործման համար աշխատող համախոհների առանձին համայնքը կարող է հասնել նման արդյունքի, պատկերացրեք, թե ինչպիսի փոփոխություններ կարելի է իրականացնել, եթե արարմանն ուղղված լինեն ամբողջ ազգի ջանքերը։ Միասին մենք կարող ենք երազել։

Եվ միասին մենք կարող ենք կյանքի կոչել մեր երազանքները։

Շնորհակալություն։

Ռուբեն Վարդանյան և Վերոնիկա Զոնաբենդ