ՏԵՍԼԱԿԱՆԻ ՍԱՀՄԱՆՈՒՄ

«ԵՐԵՎԱՆ» ԱՄՍԱԳԻՐ

«Երևան» ամսագրի հրատարակումը նախաձեռնել է ձեռնարկատեր և բարերար Գոռ Նահապետյանը 2005 թ.–ին, և ծրագրին աջակցել ենք մենք ու մեր գործընկեր ցանցը:

Հրատարակության առաքելությունն էր` հավաքել, գրել և հրապարակել կենսակերպի, մշակույթի և ժամանցի մասին նորություններ շատ յուրահատուկ ընթերցողի՝ հայկական Սփյուռքի համար: Մրցանակակիր եռալեզու հրատարակությունը կենտրոնակայաններ ուներ Հայաստանում, Ռուսաստանում և Միացյալ Նահանգներում:
«Երևան» ամսագիրը նպատակ ուներ հանդես գալու որպես «քաղաքի ամսագիր»՝ հարթակ վիճահարույց հարցերի քննարկման, Երևանի զարգացման վրա ներգործող թեմաների շուրջ բանավեճերի համար: Ակտիվորեն լուսաբանվում էին հարցեր, իրադարձություններ, մարդիկ, միտումներ Հայաստանում և աշխարհում. նյութեր, որոնք ձևավորում են ժամանակակից քաղաքային մշակույթ ու լավ ճաշակ և նպաստում անկախ, դրական, ազատ մտածողության զարգացմանը:

«Երևան» ամսագիրը հովանավորել կամ նախաձեռնել է մշակութային մի շարք նախագծեր, որոնք ուղղված են եղել վտանգված ժառանգության պահպանմանը կամ հայկական սոցիալական ու մշակութային

ՍԱՍՈՒՆՑԻ ԴԱՎԹԻ ԱՐՁԱՆԸ ԵՐԵՎԱՆՈՒՄ

Հրատարակության առաքելությունն էր` հավաքել, գրել և հրապարակել կենսակերպի, մշակույթի և ժամանցի մասին նորություններ շատ յուրահատուկ ընթերցողի՝ հայկական Սփյուռքի համար: Մրցանակակիր եռալեզու հրատարակությունը կենտրոնակայաններ ուներ Հայաստանում, Ռուսաստանում և Միացյալ Նահանգներում: ամսագրի նախաձեռնությամբ, հուշարձանին հարակից տարածքում իրականացվել են վերանորոգման ու վերականգնման աշխատանքներ: Նորացված հուշարձանը 2011 թ.-ին կրկին հառնեց Երևանի բնակիչների և հյուրերի առջև: Հիմնովին վերանորոգվել է ջրավազանը, որի կենտրոնում տեղադրված է քանդակը, հարակից տարածքում տեղադրվել են նոր նստարաններ, սափորներ ու լուսավորություն, մաքրվել է քարե պատվանդանը, կարգի է բերվել կանաչապատ տարածքը:

Ազգային էպոսի հերոս Սասունցի Դավթի արձանը, որը տեղադրվել է 1959 թ.–ին, վերստացել է իր սկզբնական տեսքը, և կայարանի հրապարակը՝ քաղաքի խորհրդանշական վայրերից մեկը, կրկին գրավիչ է դարձել քաղաքի բնակիչների և հյուրերի համար:

«ՅՈԹ ԱՂԲՅՈՒՐ» ՑԱՅՏԱՂԲՅՈՒՐԸ

Երևանի Հանրապետության հրապարակում գտնվող «Յոթ աղբյուր» ցայտաղբյուրը, որը քաղաքի խորհրդանիշ երից է, 1960 թ.-ին կառուցել է ճարտարապետ Սպարտակ Գնդեցյանը: Ըստ հայկական ժողովրդական ավանդության, ժողովուրդը ուժ է ստանում յոթ աղբյուրից:

«Երևան» ամսագրի պատվերով` 2008 թվականին հայտնի ոսկերիչ-դիզայներ Նուռը (Արման Դավթյան) վերականգնում է նետերի սլաքները՝ իբրև ճարտարապետական հիմք ընդունելով Հանրապետության հրապարակի կառուցվածքը: Նուռը շատրվանին հավելում է նաև արևային ժամացույց: «Յոթ աղբյուրի» վերականգնման շնորհիվ քաղաքի գլխավոր հրապարակը ձեռք բերեց իր սկզբնական տեսքը, մայրաքաղաքի բնակիչներին ու հյուրերին վերադարձվեց իրենց սիրելի ցայտաղբյուրը:

«ՆԱՐԴԻ ԽԱՂԱՑՈՂԸ» ՔԱՆԴԱԿԸ

«Երևանյան կերպարներ» շարքի առաջին քանդակը՝ «Նարդի խաղացողը», «Երևան» ամսագրի նախաձեռնությամբ, 2007 թվականին տեղադրվել է Երևանի կենտրոնական փողոցներից մեկում: Նախաձեռնությանն աջակցել են Կենտրոն վարչական շրջանի թաղապետարանը և Երևանի թատրոնի և կինոյի պետական ինստիտուտի ուսանողները: Բրոնզե քանդակի հեղինակը Էդուարդ Շախիկյանն է, որը քանդակի վրա աշխատել է ուսանողների հետ միասին: Արձանն արտացոլում է հին Երևանի բակերի մթնոլորտը, որտեղ ամառային երեկոներին մարդիկ հավաքվում և խաղում էին իրենց նախընտրած խաղը:

ՎԻԼԻԱՄ ՍԱՐՈՅԱՆԻ ԱՐՁԱՆԸ

Երևանում ամերիկյան հայազգի գրող Ու Վիլյամ Սարոյանի հուշարձանը ստեղծվել է 2008 թ.–ի դեկտեմբերին, գրողի ծննդյան 100-ամյակի առիթով: Գրողի հիշատակը հավերժացնելու գաղափարը պատկանում է Համահայկական աշխարհագրական ասոցիացիայի նախագահ, «Հայաստանի ճանապարհներին» և «Օտար, ամայի ճամփեքի վրա» հեռուստահաղորդումների հեղինակ և հաղորդավար Ռաֆայել Հովհաննիսյանին: Հուշարձանի հեղինակն է հայտնի քանդակագործ Դավիթ Երևանցին, ճարտարապետներն են Լևոն Իգիթյանը և Ռուբեն Հասրաթյանը:

ՀԱՅԿԱԿԱՆ ԴՐԱՄԻ ՀՈՒՇԱՐՁԱՆ

2008 թվականի նոյեմբերի 22-ին ՀՀ կենտրոնական բանկի դիմաց բացվեց Հայկական դրամի հուշարձանը: Հայաստանի անկախ պետության խորհրդանիշերից ազգային արժույթին նվիրված հուշարձան կանգնեցնելու գաղափարը պատկանում էր «Երևան» ամսագրին, և աջակց ում էր Կենտրոնական բանկը: Բրոնզե հուշարձանի հեղինակը քանդակագործ Էդուարդ Շախիկյանն է։

ՄՈՎՍԵՍ ՍԻԼԻԿՈՎԻ ՀՈՒՇԱՏԱԽՏԱԿ

ԴՈՒԴՈՒԿԻ ՀՈՒՇԱՐՁԱՆԸ ՄՈՍԿՎԱՅՈՒՄ

Վերադառնալ սկիզբ

Սիրելի՛ այցելու,

Ուրախ ենք, որ հետաքրքրված եք IDeA  հիմնադրամի գործունեությամբ:

Այս հարթակում Դուք  կարող եք ծանոթանալ երկու տասնամյակ շարունակվող մտորումների, ձգտումների, գործի հանդեպ նվիրումի և Հայաստանը ծաղկուն երկիր դարձնելու մեր երազանքի իրականացման ուղղությամբ կատարած աշխատանքներին: Ճանապարհը երկար է եղել, և բազմաթիվ են եղել մտորումները։ Բայց մենք կարողացել ենք հասնել նրան, որ մեր աշխատանքն իր դրոշմն է թողել միլիոնավոր մարդկանց կյանքի վրա, և մենք իսկապես հպարտանում ենք դրանով:

Մեր նվաճումները հարյուր հազարավոր գործիչների ու կամավորների, տասնյակ հազարավոր բարերարների ու համախոհների, հարյուրավոր գործընկերների և տասնյակ հիմնադիր-գործընկերների համատեղ ջանքերի արդյունք են։ Մենք միասնաբար ցույց տվեցինք, թե ինչ հրաշքների կարելի է հասնել, երբ մարդիկ ձգտում են ընդհանուր նպատակի իրականացման:

Թույլ տվեք մեր ընտանիքին, որին բախտ է վիճակվել սկզբից ևեթ ականատես լինելու այդ նշանակալի նվաճումներին, իր անկեղծ երախտագիտությունը հայտնել բազմաթիվ հրաշալի, հոգատար, նպատակասլաց մարդկանց ու կազմակերպություններին, որոնք հնարավոր են դարձրել այս բոլոր ձեռքբերումները: Պատիվ ունենք ներկայացնելու նրանց հաջողությունները և մեր երախտագիտությունը հայտնելու նրանց։

Մենք փորձել ենք ներկայացնել Հայաստանն ավելի լավ ապագայի առաջնորդող մեր ճանապարհի գլխավոր ուղենիշները, խոսել քաղած դասերի, նոր մոտեցումների ու նախաձեռնությունների մասին, որոնք ծնվել են մեր փորձի արդյունքում. 700 ծրագիր՝ վերջին 20 տարվա ընթացքում:

Հուսով ենք, որ այս աշխատանքներին ծանոթանալը  Ձեզ համար նույնքան հաճելի կլինի, որքան մեզ համար՝ դրանց մասին պատմելը:

Բայց ավելի կարևորն այն է, որ կցանկանայինք Ձեզ տեսնել այն հայերի շարքում, որոնք մեզ հետ միասին ապագայում կշարունակեն այդ ճանապարհը:

Եթե ապագայի ընդհանուր մտապատկերի իրագործման համար աշխատող համախոհների առանձին համայնքը կարող է հասնել նման արդյունքի, պատկերացրեք, թե ինչպիսի փոփոխություններ կարելի է իրականացնել, եթե արարմանն ուղղված լինեն ամբողջ ազգի ջանքերը։ Միասին մենք կարող ենք երազել։

Եվ միասին մենք կարող ենք կյանքի կոչել մեր երազանքները։

Շնորհակալություն։

Ռուբեն Վարդանյան և Վերոնիկա Զոնաբենդ