Զբոսաշրջային տեղեկատվական կենտրոնը (ԶՏԿ) Տավուշի մարզում առաջինն է իր տեսակի մեջ: Վերջինս համապարփակ տեղեկատվություն է առաջարկում Դիլիջան և տարածաշրջան այցելող զբոսաշրջիկներին ու հյուրերին: Կենտրոնի հիմնական նպատակներից է Դիլիջանի ազգային պարկի և հարակից տարածքների զբոսաշրջային գրավչության բարձրացումը և տարածաշրջանում զբոսաշրջության ու հանգստի հետ կապված բոլոր միջոցառումների համակարգման հիմնական հարթակ դառնալը: Ավելի քան 6000 զբոսաշրջիկ արդեն դիմել է ԶՏԿ- ին և օգտվել վերջինիս ծառայություններից:

Ստեղծվել են Դիլիջանում արվեստի և արհեստների կենտրոն և գյուղերում արհեստանոցներ, որտեղ արհեստավորների համատեղ աշխատանքի համար տրամադրվում են հարթակ, սարքավորումներ, նյութեր, ինչպես նաև օժանդակություն՝ շուկայի կարիքներին համապատասխան արտադրանք մշակելու և վաճառքի ուղիներ մատնանշելու գործում:

Հյուրընկալության ոլորտում կարողությունների զարգացման նախագիծը ձևավորում և կազմակերպում է դասընթացներ ու սեմինարներ բիզնեսների և զբոսաշրջության ու հյուրընկալության ոլորտի մեջ ներգրավված կամ դրանցով հետաքրքրված անձանց համար (հաճախորդների սպասարկում, հյուրատներ, զբոսաշրջային ուղեցույցներ, լեզվի դասընթացներ): Նախագծի շրջանակներում տարբեր դասընթացներ են կազմակերպվել շուրջ 330 մարդու համար:

Փոքր բիզնեսներին տրվող ենթադրամաշնորհները ծրագրի հիմնական բաղադրիչներից են: Ենթադրամաշնորհային այդ հոսքը ֆինանսավորման հասանելիություն էր ապահովում Դիլիջանից և հարակից վեց գյուղերից եկող ՓՄՁ-ներին: Ընդհանուր առմամբ, ստեղծվել է 4 նոր ձեռնարկություն, և ընդլայնվել է 4 գործող ձեռնարկություն, որոնցից յոթը գործում են զբոսաշրջության ու հյուրընկալության, իսկ մեկը՝ արվեստի ու արհեստների ոլորտում։

Քաղաքային շուկան և ագրո-տաղավարը նպատակ ունեն դառնալու հյուրընկալության ոլորտի և ռեստորանների մեծածախ գնումների կիզակետը: Երևան-Թբիլիսի մայրուղու վրա կառուցված ագրո-տաղավարը նպաստել է գյուղատնտեսական ապրանք արտադրող տեղացիների համար շուկայի հասանելիության բարելավմանը:

Դիլիջանի ազգային պարկում նոր արշավային արահետներ են բացվել ծրագրի այս բաղադրիչի շրջանակներում, ցուցանակներ են զետեղվել, և հարթեցվել ու բացվել է 11 արահետ։