FAST-ը գնահատում է հմուտ մարդկային կապիտալի` ակադեմիական և ոլորտի փորձագետների և մասնագետների կարևորագույն դերը Հայաստանում ԳՏՆ զարգացման գործում: FAST-ի ծրագրերից շատերում մեծ շեշտադրում ունեն կրթությունը, հմտությունների ձևավորումն ու Հայաստանի մտավոր կապիտալի հզորացումը:
Ըստ էության, FAST-ը հատուկ ուշադրության է արժանացրել տվյալագիտության և արհեստական բանականության ոլորտում կրթության կատարելագործումը: Արդյունքում, 2019 թ.-ին հայկական բանակի հատուկ ջոկատների համար մշակվել և իրականացվել է արհեստական բանականության խորացված դասընթացների ծրագիր, որը 2020 թ.-ին լրամշակվել է որպես «1991 ստորաբաժանում» կրթական և գիտահետազոտական ու փորձակոնստրուկտորական (R&D) ծրագիր: Այս ծրագրի շնորհիվ, հուսով ենք, արհեստական բանականության հիմնական ներուժը կկիրառվի նաև ներքին աշխատաշուկայում:
FAST-ը գործարկեց նաև «AI Bootcamp» ծրագիրը, հիմնականում թիրախավորելով ոլորտի մասնագետներին` նպատակ ունենալով տվյալագիտության և արհեստական բանականության առաջադեմ մասնագետների համար ապահովելու ծրագրային ապագա լուծումներ, ինչպես նաև ոլորտի պատշաճ գիտելիքներ և հմտություններ ունեցող մասնագետներով նպաստելու աշխատաշուկայի պահանջների բավարարմանը։ Հայաստանի աշխատաշուկայում ոլորտի մասնագետների պակասը լրացնելու անհրաժեշտությամբ պայմանավորված՝ FAST-ը 2018 թ.-ին գործարկել է «Apprenticeship» ծրագիրը: Այս ծրագիրը փորձնական նոր շրջանակ ստեղծեց Հայաստանի մի քանի առաջատար ՏՏ ընկերությունների հետ աշխատանքի ընթացքում մասնագիտական կրթության ստացման համար՝ միևնույն ժամանակ նպաստելով ֆորմալ կրթության շարունակությանը:
FAST-ի կրթական ծրագրերը նպատակաուղղված են նաև ձեռնարկատիրական գիտելիքների և հմտությունների կատարելագործմանը այնպիսի ծրագրերի միջոցով, ինչպիսիք են «Startup Studio», «Սկսնակ կին ձեռներեցների» և «AgriTech Accelerator» ծրագրերը: FAST- ն իրականացրել է նաև «SciNova» ծրագիրը, որն առաջարկում է գիտահետազոտական նախագծման և գիտության առևտրայնացման ուսումնական ծրագիր, որի նպատակն է Հայաստանի սկսնակ STEM (գիտություն, տեխնոլոգիա, ճարտարագիտություն և մաթեմատիկա) տաղանդը առևտրային կենսունակությանը համահունչ ուղղորդել դեպի հետազոտական և նորարարական աշխատանքների իրականացման։
ԱԶԴԵՑՈՒԹՅՈՒՆԸ ԿՐԹՈՒԹՅԱՆ ՈԼՈՐՏՈՒՄ
FAST-ի կրթական ծրագրերը ավելի քան 1000 անհատ ի համար ապահովել են համապատասխան առարկայական դասընթացներ, իսկ բազմազան կենսագրություններով ևս 1600 մասնակցի համար՝ գիտելիքների փոխանակման հնարավորություններ։
Այս դասընթացներն ու կոնֆերանսները բարելավել են նորարարական հիմնական առարկաների, ի թիվս այլոց՝ տվյալագիտության, արհեստական բանականության, կորպորատիվ նորարարության և ձեռնարկատիրության հմտությունները:
1000+ շահառու ստացել է խորացված դասընթաց
240 դպրոցական՝ ՏԳ և ԱԲ ոլորտներում
50+ համալսարանական աշխատակազմ
100+ համալսարանական ուսանող
125 ոլորտի ներկայացուցիչ
350 ձեռնարկատեր
1600+ շահառու ստացել է գիտելիքների փոխանակման հնարավորություն
«STARTUP STUDIO» ծրագիր
FAST- ը ստեղծեց հարթակ՝ քոուչինգային և մենթորության ծրագրերի միջոցով աջակցելու նպատակով գիտական և տեխնոլոգիական ստարտափ ընկերություններին` ապահովելով հասանելիություն FAST- ի «Creative Campus»- ի ընդհանուր աշխատանքային տարածքներին:
Եռամսյա ծրագիրը ստարտափներին օգնեց ձեռնարկատիրական ուղի անցնել այնպիսի մոդուլներով, որոնք հատուկ նախագծված էին ըստ իրենց կարիքների: Ծրագիրը ներառում էր գործնական և տեխնիկական հանդիպումներ, թիմային աշխատանք, պանելային քննարկումներ, մենթորների ներգրավվածություն, մոտիվացիոն զրույցներ և ինտերակտիվ խաղեր: Վերջինս նաև ներառում էր ներդրողների համար դեմո ցուցադրական օրերի կազմակերպում:
Ծրագիրը սկսնակ գործարարներին առաջարկեց իրենց շրջանակներում ձեռնարկատիրական մշակույթ ներդնելու ու զարգացնելու և հիմնարար գիտելիքներ ու գործնական հմտություններ ապահովելու առանձին ուղի` մասնակիցների համար որպես իրենց ձեռնարկությունների ստեղծման հիմք:
![](https://sp-ao.shortpixel.ai/client/to_auto,q_lossless,ret_img/https://www.idea.am/wp-content/uploads/2022/10/startup-studio-1.png)
«ՍԿՍՆԱԿ ԿԻՆ ՁԵՌՆԵՐԵՑՆԵՐԻ» ԾՐԱԳԻՐ
Ծրագիրը նախագծված էր գիտության և ձեռնարկատիրության ոլորտում կանանց զորացման համար հնարավորություններ ստեղծելու և աջակցելու կանանց՝ գիտական ու տեխնոլոգիական ստարտափների նախագծման, զարգացման և գործարկման համար անհրաժեշտ գործիքների ձեռքբերման նպատակով:
Երկամսյա սպառիչ ծրագիրը նպատակ ուներ մասնակիցների շրջանակներում ներդնելու և զարգացնելու ձեռնարկատիրական մշակույթ՝ ապահովելով հիմնարար գիտելիքներ և գործնական հմտություններ՝ որպես հիմք այդ ձեռնարկատերերի համար՝ իրենց ձեռնարկությունները ստեղծելու համար:
Վերջինս եզրափակվեց դեմո-ցուցադրական օրով, և շրջանավարտները հնարավորություն ունեցան ներկայանալու ներդրողների, ձեռնարկատերերի, տեխնոլոգիական առաջատարների և հարակից այլ խմբերի մեծ լսարանի առջև:
![](https://sp-ao.shortpixel.ai/client/to_auto,q_lossless,ret_img/https://www.idea.am/wp-content/uploads/2022/10/FAST_F-1.png)
![](https://sp-ao.shortpixel.ai/client/to_auto,q_lossless,ret_img/https://www.idea.am/wp-content/uploads/2022/10/bootcamp-1.png)
«AI BOOTCAMP» ԾՐԱԳԻՐ
Տվյալագիտության և արհեստական բանականության 12-շաբաթյա ինտենսիվ դասընթացը նախատեսված էր մասնակիցներին օգնելու նպատակով,որ արդյունավետորեն անցում կատարեն նոր մասնագիտության կամ զարգացնեն ընթացիկը:
Դասընթացը, ի թիվս այլոց, ներառում է ստեղծագործական գաղափարների, ձեռնարկատիրական նորարարության, գեներախորացվածտիվ ալգորիթմների, խորը ուսուցման, քեմոինֆորմատիկայի, գրաֆային նեյրոնային ցանցերի և ժամանակային շարքերի ու ալգորիթմական առևտրի հիբրիդային մոդելների վերաբերյալ սեմինարներ և մասնագիտացված մոդուլներ: Նաև ապահովում է բարձրորակ հմտություններ և խորացված ԱԲ ուսուցում՝ միաժամանակ, լավագույն շրջանավարտների ներգրավմամբ, ստեղծելով «տաղանդների խողովակ»՝ Հեռանկարային լուծումների կենտրոնի և գործող այլ նախաձեռնությունների համար:
«AI Bootcamp»-ից ստացած իմ փորձը կյանքի փոփոխություն կոչելը չափազանցություն չէ: Դա ինձ իսկապես օգնեց ամրապնդել իմ կարիերայի ընտրությունը և նեղացնել ասպիրանտուրայի ուղղության ընտրությունը: Մեր մենթորներից մեկի ղեկավարությամբ իրականացվող վերջին նախագծի վրա աշխատելու արդյունքում ես հասկացա, որ հետազոտություններ կատարելն իսկապես վայելում եմ, և դա հենց այն է, ինչ ուզում եմ անել ապագայում: Վեց ամիս անց ներգրավվեցի մի աշխատանքում, որն ինձ իսկապես շատ է դուր գալիս․ միաժամանակ ես շրջապատված եմ խելացի և ոգեշնչող մարդկանցով»։
Իրինա Թիրոսյան՝
ծրագրի մասնակից, Հայաստան
«APPRENTICESHIP» ԾՐԱԳԻՐ
FAST-ը ստեղծեց հայաստանյան առաջատար ՏՏ ընկերությունների՝ (ԷՓԱՄ, Դիջիթեյն, ՍոֆթՔոնսթրաքթ և ԷսԷֆԷլ) հետ աշխատանքային վերապատրաստման նոր շրջանակ, որը կարող է համատեղվել ֆորմալ կրթության հետ:
Ուսանողները մինչև մեկ տարի շաբաթական մոտ 10 ժամ անց կացնում էին հյուրընկալող կազմակերպությունում: Ծրագիրը նպատակ ուներ ոլորտը վերածելու գիտելիքի ստեղծողի և երկարաժամկետ հեռանկարում, ըստ ոլորտի անհրաժեշտությունների, փոփոխելու համալսարանական ուսումնական ծրագրերը: Ձեռքբերված փորձը գրավեց նաև Հայաստանի կառավարությանը`բուհերում իրականացվող մասնագիտական փորձառության մոդելը բարեփոխելու նպատակով լավագույն փորձը միասնական համազգային գործընթացում ինտեգրելու համար:
![](https://sp-ao.shortpixel.ai/client/to_auto,q_lossless,ret_img/https://www.idea.am/wp-content/uploads/2022/10/1991-1.png)
«1991 ՍՏՈՐԱԲԱԺԱՆՈՒՄ» ԾՐԱԳԻՐ
2019 թ.-ին FAST-ը, Պաշտպանության նախարարությունը (ՊՆ) և «ՀայՏեք» կիբերանվտանգության կենտրոնը ստորագրեցին Փոխըմբռնման հուշագիր և ստեղծեցին «1991 ստորաբաժանումը»՝ որպես բանակի բարձր տեխնոլոգիաների ոլորտում գիտահետազոտական (R&D) դասակ՝ ապահովելու հայկական զինված ուժերի տեխնոլոգիական գերակայությունը ցանկացած ընթացիկ կամ հավանական հակամարտության ժամանակ:
Ծրագիրը ծառայում է որպես համապարփակ հարթակ` տաղանդների հոսքի կարողությունների մոնիտորինգի և զարգացման, ինչպես նաև կիրառական R&D նախագծերի գործարկման համար: FAST- ը նախագծում և իրականացնում է Տվյալագիտության և Արհեստական բանականության ընդլայնված կրթական դասընթացներ ապագա զորակոչիկների, կանանց և «1991 ստորաբաժանման» նորակոչիկների համար, ինչպես նաև նպաստում է գիտահետազոտական և փորձակոնստրուկտորական նախագծերի զարգացմանը:
«Դասընթացը, բացի քննությանը պատրաստվելու համար անհրաժեշտ գիտելիքներից, ապահովեց բարձրագույն մաթեմատիկայի իմացություն, որը ես սովորում եմ համալսարանում: Ամենակարևորն այն է, որ դասընթացն ապացուցեց, որ Արհեստական բանականության մաթեմատիկական ընկալումը ոչ միայն անհնար չէ, այլև հնարավոր է, եթե ունենք լավ մաթեմատիկական մտածողություն»։
Հայկ Սարգսյան
մասնակից, նախապատրաստական դասընթաց, Հայաստան
![](https://sp-ao.shortpixel.ai/client/to_auto,q_lossless,ret_img/https://www.idea.am/wp-content/uploads/2022/10/agri-1.png)
«AGRITECH ACCELERATOR» ԾՐԱԳԻՐ
Համագործակցելով ՄԱԿ-ի Զարգացման ծրագրի (ՄԱԶԾ) «ImpactAim Venture Accelerator» ծրագրի և Հայաստանի ազգային ագրարային համալսարանի հետ` FAST-ը համահեղինակել և իրականացրել է աքսելերացիոն ծրագիր` աջակցելու նպատակով ստարտափ և սկսնակ ձեռնարկատերերին, որոնք առաջարկում են գյուղատնտեսական մարտահրավերների լուծումներ Հայաստանում և դրանից դուրս:
Ծրագիրը նպատակ ուներ ամուր կապեր ստեղծելու ծրագրի մասնակիցների, ակադեմիական և ոլորտի շահագրգիռ անձանց միջև: Հիմնական ծրագիրը տևեց 12 շաբաթ, և մասնակիցներն անցան անհատականացված ձեռնարկատիրական ուղի: Վերջինս ներառում էր մի շարք դասընթացներ՝ ձեռնարկատիրության ներածություն, նորագույն տեխնոլոգիաների ազդեցություն գյուղատնտեսության և հիմնական ստարտափների զարգացման վրա, որին հաջորդեց նախատիպավորման փուլը:
«Հայաստանի ազգային ագրարային համալսարանը և «ImpactAIM ANAU AgriTech Accelerator» ծրագիրը սիրով համագործակցում են FAST-ի հետ՝ իրականացնելու համար մեր ընդհանուր նպատակները՝ Հայաստանի համար կառուցելու ճիշտ ագրոտեխնոլոգիական և կենսատեխնոլոգիական էկոհամակարգ, նոր տեխնոլոգիաները դարձնելով կրթական համակարգի և ընդհանրապես երկրի շարժիչ ուժը: FAST-ը կարևոր դեր է խաղացել իր բոլոր գործընկերների համար` անհրաժեշտ ոլորտներում ժամանակին ներկայացնելով անհրաժեշտ ռեսուրսների և մասնագիտական աջակցության պահանջ[1] և իրականացնելով տեխնոլոգիական ապագա կառուցելու իր առաքելությունը Հայաստանում և այլուր»:
Վարդան Ուռուտյան
ռեկտոր, Հայաստանի ազգային ագրարային համալսարան, Հայաստան
«SCINOVA» ԾՐԱԳԻՐ
FAST-ը նախագծեց մի ծրագիր, որն ուղղված էր «Գիտահետազոտական նախագծման և գիտության առևտրայնացման» ուսումնական ծրագրի ստեղծմանը:
Ուսումնական ծրագիրը մագիստրոսներին և ասպիրանտներին ծանոթացնում է որակյալ հետազոտություններ իրականացնելու և գիտական հայտնագործություններից առևտրային արժեք ստեղծելու հիմունքներին:
Դասընթացավարների վերապատրաստումը ուսումնական ծրագրի փորձնական փուլի երկրորդ կեսին հասանելի է եղել STEM ոլորտի կրթություն տրամադրող բոլոր ակադեմիական հաստատությունների գիտական անձնակազմերին:
Այս ծրագիրը իրականացվել է Աստոնի համալսարանի հետ համատեղ՝ Բրիտանական խորհրդի կողմից ֆինանսավորվող «Creative Spark: Higher Education Enterprise» ծրագրի շրջանակներում:Ծրագրի փորձարկումը իրականացվել է Հայաստանի ազգային ագրարային համալսարանում։
![](https://sp-ao.shortpixel.ai/client/to_auto,q_lossless,ret_img/https://www.idea.am/wp-content/uploads/2022/10/SCINOVA.png)
Նախագծեր
- ՍՈՑԻԱԼ-ՏՆՏԵՍԱԿԱՆ ԶԱՐԳԱՑՄԱՆ ՄԱՍՆԱՎՈՐ ԳՈՐԾԱԿԱԼՈՒԹՅՈՒՆ
- «IDeA ԵՎՐՈՊԱ»
- «ՃԱՄՓԱԲԱԺՆԻՆ» ՁԵՌԱԳԻՐԸ
- ՄԱՐԴԱՍԻՐԱԿԱՆ ՀԱՐԹԱԿ
- ԱՎՐՈՐԱ ՄԱՐԴԱՍԻՐԱԿԱՆ ՆԱԽԱՁԵՌՆՈՒԹՅՈՒՆ
- 100 LIVES
- ՄԱՐԻՆԵ ԱԼԵՍ «ՁԵԶԱՆԻՑ ՄԵԿԸ»
- ԱՎՐՈՐԱ ՄՐՑԱՆԱԿ
- ԱՎՐՈՐԱ ՔՆՆԱՐԿՈՒՄՆԵՐ
- ԱՎՐՈՐԱ ՄԱՐԴԱՍԻՐՈՒԹՅԱՆ ՑՈԻՑԻՉ
- #ARARATCHALLENGE
- «ԱՎՐՈՐԱ» ՀԱՄԱՅՆՔ
- ՄԱՏՅԱՆ ԵՐԱԽՏԱԳԻՏՈՒԹՅԱՆ
- ԱՎՐՈՐԱ ԴՐԱՄԱՇՆՈՐՀՆԵՐ
- ԱՎՐՈՐԱՆ՝ ԱՐՑԱԽԻՆ
- ՕԳՆՈՒԹՅՈՒՆ ՍԻՐԻԱՀԱՅԵՐԻՆ
- ԶԲՈՍԱՇՐՋՈՒԹՅԱՆ ԵՎ ՔԱՂԱՔԱՇԻՆՈՒԹՅԱՆ ՀԱՐԹԱԿ
- ՏԱԹԵՎ ԵՎ ՇՐՋԱԿԱՅՔ
- ԴԻԼԻՋԱՆԻ ԶԱՐԳԱՑՄԱՆ ԾՐԱԳԻՐ
- ԵՄ ԴԻԼԻՋԱՆԻ ԵՎ ՀԱՐԱԿԻՑ ՀԱՄԱՅՆՔՆԵՐԻ ԶԱՐԳԱՑՄԱՆ ՆԱԽԱՁԵՌՆՈՒԹՅՈՒՆ
- ՀՈՒՇԱՆՎԵՐՆԵՐԻ ԽԱՆՈՒԹՆԵՐ
- ԳՅՈՒՄՐՈՒ ԲԱՐԵԿԱՄՈՒԹՅԱՆ ԱՅԳԻՆ
- ՆԱԽԱԳԾԵՐ ԱՐՑԱԽՈՒՄ
- «ԿԱԿՏՈՒՍ» ՌԵՍՏՈՐԱՆ ԵՎ «ԿՈՒՐ» ԳԻՆԻՆԵՐ
- ՔԱՂԱՔԱՇԻՆՈՒԹՅԱՆ ՍՏԱՆԴԱՐՏՆԵՐ
- ԿՐԹԱԿԱՆ ՀԱՐԹԱԿ
- UWC ԴԻԼԻՋԱՆ
- ԴԱՄՖՐԻԶ ՀԱՈՒՍ
- UWC | ՄԻՋՈՑԱՌՈՒՄՆԵՐ
- ԱԶԳԱՅԻՆ ԿՈՄԻՏԵ
- JUST DILIJAN IT!
- ԴԻԼԻՋԱՆԻ ՀԱՄԱՅՆՔԱՅԻՆ ԿԵՆՏՐՈՆ
- ԿՐԹԱԹՈՇԱԿՆԵՐ
- ԹԻվ 20 ԴՊՐՈՑ
- ՄՇԱԿՈՒՅԹԻ ԵՎ ԺԱՌԱՆԳՈՒԹՅՈՒՆ ՀԱՐԹԱԿ
- ՀԻՇՈՂՈՒԹՅԱՆ ՊԱՀՊԱՆՄԱՆ «ARMENIAN MEMORY ACT» ՆԱԽԱԳԾԻ ԴՐԱՄԱՇՆՈՐՀՆԵՐ
- ԴԻԼԻՋԱՆԻ ԱՐՎԵՍՏՆԵՐԻ ՆԱԽԱԳԻԾ
- ԱՋԱԿՑԵԼՈՎ ՍՏԵՂԾԱՐԱՐ ՃՅՈՒՂԵՐԻՆ
- ԺԱՌԱՆԳՈՒԹՅԱՆ ՎԵՐԱԿԱՌՈՒՑՈՒՄ
- ԳԻՏՈՒԹՅԱՆ ԵՎ ԿՐԹՈՒԹՅԱՆ ՀԱՐԹԱԿ
- FAST
- FAST | ԿՐԹՈՒԹՅՈՒՆ
- FAST | ԳԻՏՈՒԹՅՈՒՆ
- FAST | ԱՌԵՎՏՐԱՅՆԱՑՈՒՄ
- ԷԿՈԼՈԳԻԱԿԱՆ ՀԱՐԹԱԿ
- CLIMATE UTURN