ՏԵՍԼԱԿԱՆԻ ՍԱՀՄԱՆՈՒՄ

ՄԵԾ ՀԱՐՍԱՆԻՔԸ ԵՎ ԱՐՑԱԽԻ ԵՐԵԽԱՆԵՐԸ

2008_թ.-ին Արցախում անցկացվեց իսկական հարսանեկան մարաթոն, երբ՝ մեկ օրում 700 զույգ ամուսնացավ:

Ուղիղ հեռարձակմամբ և ամբողջ Արցախում զանգվածային միջոցառումներով՝ վերջինս տարիներ շարունակ մնաց հանրային ամենամեծ միջոցառումը, որը նախաձեռնել էր Արցախում ծնված ռուսաստանցի ձեռնարկատեր Լևոն Հայրապետյանը: Զույգերն ամուսնացան Գանձասարի վանքում և Շուշիի Ղազանչեցոց եկեղեցում:

Նախքան աստիճաններով Ստեփանակերտի կենտրոնական մարզադաշտ իջնելը, Վերածննդի հրապարակում նրանք միասին վալս պարեցին, այնուհետև Ստեփանակերտի կենտրոնական մարզադաշտում` երկար սեղանների շուրջ, միասին նշեցին իրենց զանգվածային հարսանեկան միջոցառումը: Նախաձեռնությունն օգնեց վերակենդանացնել և խթանել հայկական հարսանեկան ավանդույթները, տեղական խոհանոցը, ինչպես նաև ղարաբաղյան ավանդույթների տարրերը, ինչպիսին է, օրինակ, ավանակների մրցույթը:

Ծրագրի նվիրատուները 2000 ԱՄՆ դոլար խոստացան յուրաքանչյուր երեխայի,որը կծնվի Ղարաբաղի 700 զույգերի զանգվածային հարսանիքի մասնակիցների ընտանիքներում: 5 տարվա ընթացքում այս ընտանիքներում ծնվել է մոտ 1100 երեխա՝ նպաստելով Արցախում ենթակառուցվածքային բարելավումներին և քաղաքական բարեփոխումներին՝ սկսած մայրական առողջապահությունից մինչև վաղ մանկական կրթություն:

Վերադառնալ սկիզբ

Սիրելի՛ այցելու,

Ուրախ ենք, որ հետաքրքրված եք IDeA  հիմնադրամի գործունեությամբ:

Այս հարթակում Դուք  կարող եք ծանոթանալ երկու տասնամյակ շարունակվող մտորումների, ձգտումների, գործի հանդեպ նվիրումի և Հայաստանը ծաղկուն երկիր դարձնելու մեր երազանքի իրականացման ուղղությամբ կատարած աշխատանքներին: Ճանապարհը երկար է եղել, և բազմաթիվ են եղել մտորումները։ Բայց մենք կարողացել ենք հասնել նրան, որ մեր աշխատանքն իր դրոշմն է թողել միլիոնավոր մարդկանց կյանքի վրա, և մենք իսկապես հպարտանում ենք դրանով:

Մեր նվաճումները հարյուր հազարավոր գործիչների ու կամավորների, տասնյակ հազարավոր բարերարների ու համախոհների, հարյուրավոր գործընկերների և տասնյակ հիմնադիր-գործընկերների համատեղ ջանքերի արդյունք են։ Մենք միասնաբար ցույց տվեցինք, թե ինչ հրաշքների կարելի է հասնել, երբ մարդիկ ձգտում են ընդհանուր նպատակի իրականացման:

Թույլ տվեք մեր ընտանիքին, որին բախտ է վիճակվել սկզբից ևեթ ականատես լինելու այդ նշանակալի նվաճումներին, իր անկեղծ երախտագիտությունը հայտնել բազմաթիվ հրաշալի, հոգատար, նպատակասլաց մարդկանց ու կազմակերպություններին, որոնք հնարավոր են դարձրել այս բոլոր ձեռքբերումները: Պատիվ ունենք ներկայացնելու նրանց հաջողությունները և մեր երախտագիտությունը հայտնելու նրանց։

Մենք փորձել ենք ներկայացնել Հայաստանն ավելի լավ ապագայի առաջնորդող մեր ճանապարհի գլխավոր ուղենիշները, խոսել քաղած դասերի, նոր մոտեցումների ու նախաձեռնությունների մասին, որոնք ծնվել են մեր փորձի արդյունքում. 700 ծրագիր՝ վերջին 20 տարվա ընթացքում:

Հուսով ենք, որ այս աշխատանքներին ծանոթանալը  Ձեզ համար նույնքան հաճելի կլինի, որքան մեզ համար՝ դրանց մասին պատմելը:

Բայց ավելի կարևորն այն է, որ կցանկանայինք Ձեզ տեսնել այն հայերի շարքում, որոնք մեզ հետ միասին ապագայում կշարունակեն այդ ճանապարհը:

Եթե ապագայի ընդհանուր մտապատկերի իրագործման համար աշխատող համախոհների առանձին համայնքը կարող է հասնել նման արդյունքի, պատկերացրեք, թե ինչպիսի փոփոխություններ կարելի է իրականացնել, եթե արարմանն ուղղված լինեն ամբողջ ազգի ջանքերը։ Միասին մենք կարող ենք երազել։

Եվ միասին մենք կարող ենք կյանքի կոչել մեր երազանքները։

Շնորհակալություն։

Ռուբեն Վարդանյան և Վերոնիկա Զոնաբենդ