ԷԿՈՀԱՄԱԿԱՐԳԱՅԻՆ ՀԱՐԹԱԿՆԵՐ > ԶԲՈՍԱՇՐՋՈՒԹՅԱՆ ԵՎ ՔԱՂԱՔԱՇԻՆՈՒԹՅԱՆ ՀԱՐԹԱԿ

ՏԱԹԵՎ ԵՎ ՇՐՋԱԿԱՅՔ

Ներառական էկոհամակարգը չի կարող սահմանափակվել մայրաքաղաքով և երկու-երեք խոշոր քաղաքներով: Այդ պատճառով, մեր նպատակն է փակել Հայաստանում տեղական համայնքների միջև բացերը և զարգացում ապահովել զարգացում ողջ Սյունիքում՝ նոր աշխատատեղերի ստեղծմամբ և Տաթևում ու հարակից համայնքներում տարատեսակ զարգացման ծրագրերի իրականացմամբ։

Ենթակառուցվածքներ

10+ համայնքային նախաձեռնություններ

(թափոնների կառավարում, ջրամատակարարում, փողոցային լուսավորություն)՝ բավարարելով շուրջ 6 հազար տեղական բնակչության կարիքները

6 անգամ

Ճամփորդության ժամանակի կրճատում նոր և մատչելի տրանսպորտի միջոցով

6 անգամ պակաս

ուղեվարձ տեղացիների համար (միջինում` տարեկան 2000 երթուղի)

12 կմ

ճանապարհային ենթակառուցվածքների բարելավում

Տնտեսական գործունեություն

x17 աճ

շրջանի հյուրընկալության կարողությունների

x11 աճ

տեղական գործազրկության

25% կրճատում

աշխատատեղերի անուղղակի ստեղծմամբ

30 տեղի

աջակցություն ՓՄՁ-ների ստեղծմանը և ընդլայնմանը

20+

իրադարձություն և փառատոն՝ ներգրավելով

10.000+

այցելու

150

ժամանակավոր աշխատատեղեր

77

մշտական աշխատատեղեր

ՏՆՏԵՍԱԿԱՆ ԳՈՐԾՈՒՆԵՈՒԹՅՈՒՆ

«ՏԱԹԵՎԱՏՈՒՆ»

«Տաթևատուն» ռեստորանը հայկական խոհանոցի լավագույն ավանդույթների ժառանգորդն է և պահպանում է հայկական խոհանոցի`, հատկապես Սյունիքի, ավանդական բաղադրատոմսերը։

ՀՅՈՒՐԱՏՆԵՐԻ ԶԱՐԳԱՑՈՒՄ ՄԵՐՁԱԿԱ ԳՅՈՒՂԵՐՈՒՄ

Հյուրատների սեփականատերերը վերապատրաստվել են, և նրանց լիարժեք աջակցություն է ցուցաբերվել զբոսաշրջային հոսքերի շնորհիվ առաջացած հնարավորություններն օգտագործելու համար: Տաթևի շրջանի 23 հյուրատների սեփականատերերը յուրացրել են շուկայավարման հիմունքները, հյուրընկալել են զբոսաշրջային ընկերությունների ներկայացուցիչների և մեկնել այլ քաղաքներ՝ իրենց գործընկերների հետ փորձի փոխանակման համար: Մասնակիցներին օգնություն է ցուցաբերվել իրենց բիզնեսների գրանցման և կառավարման գործընթացների կազմակերպման հարցերում:

ՀԱԼԻՁՈՐԻ ՀՅՈՒՐԱՏՈՒՆ

Հալիձորի հյուրատունը մասնավոր առանձնատուն է` տեղակայված Որոտանի կիրճի գեղեցիկ ժայռափորին՝ Հալիձոր գյուղի սրտում, «ՏաԹևեր» ճոպանուղու Հալիձոր կայարանից ընդամենը 20 րոպե հեռավորության վրա: Պահպանում է տեղական ճարտարապետությանն ու բնակավայրին հարազատ ոճը:

ՈՉԽԱՐՆԵՐԻ ԽՈՒԶՄԱՆ ՓԱՌԱՏՈՆ

Տաթևի մարզում կազմակերպվել է ոչխարների խուզման երեք փառատոն, ինչը ևս մեկ հնարավորություն էր տարբեր համայնքների և մասնավոր ընկերությունների միջև կամուրջներ կառուցելու, մարդկանց ծանոթացնելու ավանդույթներին, մշակույթին ու տեղական արտադրանքին, ինչպես նաև խթանելու զբոսաշրջության զարգացումը շրջանում: Ամեն տարի փառատոնին մասնակցում է միջին հաշվով ավելի քան 2000 մարդ: Միջոցառումները ներառում են ոչխարների խուզման մրցույթ, ժողովրդական կենդանի երաժշտություն, պար, խաղեր, սպորտ և տոնավաճառ, որտեղ տեղական արտադրողները ներկայացնում են իրենց արտադրանքը:

ՏԱԹԵՎԻ ՇՈՒԿԱՅԻ ԿԱՌՈՒՑՈՒՄ

Ենթակառուցվածքային կարևոր զարգացում էր 2014 թվականի վերջին «ՏաԹևեր» ճոպանուղու Տաթև կայարանի մոտ տեղական շուկայի կառուցումը: Շուկան, որը նախատեսված է 16 մանրածախ առևտրի կետերի համար, աշխատանքային հարմարավետ պայմաններ է ստեղծում վաճառողների համար, որոնք այլևս ստիպված չեն գործածել խարխլված սեղանիկներ։

ԱՐՀԵՍՏՆԵՐԻ ԴՊՐՈՑ

Տաթևում մեկնարկել է արհեստների դպրոցի նախագիծը։ Դպրոցում տեղացիները մասնակցում են ասեղնագործության, մանրանկարչության և հուշանվերների արտադրության տեսական ու գործնական դասընթացների: Էկոտուրիզմն ու արշավագնացությունը զարգացնելու նպատակով տեղի բնակիչների համար իրականացվել է ևս մեկ դասընթաց, որտեղ մասնակիցներն ուսանանցել են Տաթևի պատմություն, ծանոթացել նրա ազգագրական ու բնական առանձնահատկություններին, տիրապետել ճարտարապետության ու հնագիտության հիմունքներին և անցել Տաթևի շրջակայքի արշավային բոլոր շավիղներով, որոնք նախատեսված են զբոսաշրջիկների համար:

ԲՆՈՒԹՅԱՆ ՊԱՇՏՊԱՆՈՒԹՅՈՒՆ

ՏԱԹԵՎԻ ԱԶԳԱՅԻՆ ՊԱՐԿ

1-ԻՆ ՓՈՒԼ

2015 թ.-ին մեկնարկեց Տաթևի ազգային պարկի ստեղծման նախագիծը՝ բնական էկոհամակարգերի կենսաբազմազանության պահպանման և պատմամշակութային վայրերի պաշտպանության համար: Ընթացքի մեջ են նաև տեղացիներին շրջակա միջավայրի վերաբերյալ կրթության, կարգավորված զբոսաշրջության և հանգստի ստեղծման, բնության պահպանության գիտական մեթոդների կիրառման, բնապահպանական մոնիտորիգի գործընթացի հաստատման, խախտված բնական էկոհամակարգերի և պատմամշակութային համալիրների վերականգնման ծրագրերը: Կատարվել են տասը համայնքների տարածքի հետազոտության և քարտեզագրման աշխատանքներ: Սպասում ենք Տաթևի ազգային պարկ ստեղծելու մասին Հայաստանի կառավարության որոշման ընդունմանը։

ԿՐԹՈՒԹՅՈՒՆ

9

դպրոցներում համալրվել են գրադարանային ռեսուրսները

Ավելի քան 300 երեխաների համար

բարելավվել է դպրոցների ու մանկապարտեզների ենթակառուցվածքը

1,000+

ժամ տևողությամբ վերապատրաստումներ և կարողությունների զարգացում անձնակազմի ու տեղական համայնքի անդամների համար

Տարեկան 50 երեխայի

նոր հմտություններ սովորեցնող ճարտարագիտական լաբորատորիաներ

6 տեղացի

բարձրագույն կրթություն չունեցող ստացել է միջազգայնորեն պահանջված տեխնիկական հմտություններ

Տարեկան 30 երեխայի

մասնագիտական երաժշտական կրթության տրամադրում

ՃԱՐՏԱՐԱԳԻՏԱԿԱՆ ԼԱԲՈՐԱՏՈՐԻԱՆԵՐ

Մեծ նշանակություն հատկացնելով տեղական համայնքների սոցիալ-տնտեսական զարգացմանը` ճարտարագիտական լաբորատորիաներ են բացվել Գորիսի, Տաթևի, Հալիձորի և Շինուհայրի դպրոցներում: Լաբորատորիաները ուսանողներին բացառիկ հնարավորություն են ընձեռում ձեռք բերելու ժամանակակից ճարտարագիտական փորձ՝ միաժամանակ զարգացնելով տրամաբանական հիմնավորման հմտություններ:

ԱՄԱՆՈՐՅԱ ՏՈՆԱԿԱՏԱՐՈՒԹՅՈՒՆՆԵՐ

Կազմակերպվում են ամանորյա ներկայացումներ Տաթևի վանքի հարակից յոթ գյուղի գրեթե 1000 երեխաների համար:

Երևանից բազմաթիվ դերասաններ ամեն տարի տիկնիկային, կրկեսային և այլ ներկայացումներով են հանդես գալիս տեղի երեխաների համար: Վերջում բոլոր երեխաներին բաժանվում են նվերներ: