Նամակ Ձեզ համար

ԿԱՄՈՒՐՋՆԵՐԻ ՍՏԵՂԾՈՒՄ

Արագ զարգացող և առաջադիմող աշխարհի այս դարաշրջանում Հայաստանի՝ մրցունակ և գլոբալ նշանակություն ունեցող երկիր դառնալու համար մեր պատմության և մշակույթի ներկայացման տարբեր հնարավորությունների ստեղծումն ու օգտագործումը, ինչպես նաև տեղական առաջադեմ մտածողության և համաշխարհային կարգի փորձի միջև կապերի և հաղորդակցության ուղիների հիմնումը կենսական կարևորություն ունեն:

ՄԻՋՈՑԱՌՈՒՄՆԵՐ

2000-ականների սկզբից մենք նախաձեռնել կամ աջակցել ենք մեր առաջատար ծրագրերի շուրջ նախագծվող մի շարք միջոցառումներ, որոնք մեզ օգնեցին զգալի ուշադրություն հրավիրել Հայաստանի և մեր հետաքրքրության շրջանակի թեմաների նկատմամբ (հումանիտար խնդիրներ, կրթության ապագա, նորարարություն, ժառանգության պահպանություն, բնության պաշտպանություն) և շոշափելի աջակցություն ստանալ դոնորներից ու գործընկերների կողմից: Ներկայացված միջոցառումների ընթացքում հազարավոր մարդիկ են այցելել Հայաստան՝ անուղղակիորեն ստեղծելով աշխատանքային հնարավորություններ և ապահովելով եկամուտներ զբոսաշրջային արժեստեղծման շղթայի երկայնքով:

Նախագծեր

Վերադառնալ սկիզբ

Սիրելի՛ այցելու,

Ուրախ ենք, որ հետաքրքրված եք IDeA հիմնադրամի գործունեությամբ:

Այս հարթակում Դուք կարող եք ծանոթանալ երկու տասնամյակ շարունակվող մտորումների, ձգտումների, գործի հանդեպ նվիրումի և Հայաստանը ծաղկուն երկիր դարձնելու մեր երազանքի իրականացման ուղղությամբ կատարած աշխատանքներին: Ճանապարհը երկար է եղել, և բազմաթիվ են եղել մտորումները։ Բայց մենք կարողացել ենք հասնել նրան, որ մեր աշխատանքն իր դրոշմն է թողել միլիոնավոր մարդկանց կյանքի վրա, և մենք իսկապես հպարտանում ենք դրանով:

Մեր նվաճումները հարյուր հազարավոր գործիչների ու կամավորների, տասնյակ հազարավոր բարերարների ու համախոհների, հարյուրավոր գործընկերների և տասնյակ հիմնադիր-գործընկերների համատեղ ջանքերի արդյունք են։ Մենք միասնաբար ցույց տվեցինք, թե ինչ հրաշքների կարելի է հասնել, երբ մարդիկ ձգտում են ընդհանուր նպատակի իրականացման:

Թույլ տվեք մեր ընտանիքին, որին բախտ է վիճակվել սկզբից ևեթ ականատես լինելու այդ նշանակալի նվաճումներին, իր անկեղծ երախտագիտությունը հայտնել բազմաթիվ հրաշալի, հոգատար, նպատակասլաց մարդկանց ու կազմակերպություններին, որոնք հնարավոր են դարձրել այս բոլոր ձեռքբերումները: Պատիվ ունենք ներկայացնելու նրանց հաջողությունները և մեր երախտագիտությունը հայտնելու նրանց։

Մենք փորձել ենք ներկայացնել Հայաստանն ավելի լավ ապագայի առաջնորդող մեր ճանապարհի գլխավոր ուղենիշները, խոսել քաղած դասերի, նոր մոտեցումների ու նախաձեռնությունների մասին, որոնք ծնվել են մեր փորձի արդյունքում. 700 ծրագիր՝ վերջին 20 տարվա ընթացքում:

Հուսով ենք, որ այս աշխատանքներին ծանոթանալը Ձեզ համար նույնքան հաճելի կլինի, որքան մեզ համար՝ դրանց մասին պատմելը:

Բայց ավելի կարևորն այն է, որ կցանկանայինք Ձեզ տեսնել այն հայերի շարքում, որոնք մեզ հետ միասին ապագայում կշարունակեն այդ ճանապարհը:

Եթե ապագայի ընդհանուր մտապատկերի իրագործման համար աշխատող համախոհների առանձին համայնքը կարող է հասնել նման արդյունքի, պատկերացրեք, թե ինչպիսի փոփոխություններ կարելի է իրականացնել, եթե արարմանն ուղղված լինեն ամբողջ ազգի ջանքերը։ Միասին մենք կարող ենք երազել։

Եվ միասին մենք կարող ենք կյանքի կոչել մեր երազանքները։

Շնորհակալություն։

Ռուբեն Վարդանյան և Վերոնիկա Զոնաբենդ