2020 թվականի մայիսին Հայաստանի IDeA (Հայաստանի զարգացման նախաձեռնություններ) հիմնադրամը Վաշինգտոնի Աստվածաշնչի թանգարանին նվիրեց մի խաչքարի կրկնօրինակ, որի բնօրինակը գտնվում է Տաթևի վանքի տարածքում (կրկնօրինակի հեղինակը վարպետ Համբիկն է): Թանգարանին նվիրվեց նաև Տաթևի վանական համալիրի մանրակերտը։ Ցուցանմուշները թանգարանում ներկայացվեցին հայ հոգեւոր երաժշտության համերգի ընթացքում, որը կազմակերպվել էր Ամերիկայի Միացյալ Նահանգներում Հայաստանի դեսպանության աջակցությամբ։ Վանքի մանրակերտը թանգարանում ցուցադրված մնաց մինչև 2021 թվականը, իսկ խաչքարը՝ մինչև 2022 թվականը։ Այնուհետեւ դրանք տեղափոխվեցին պահեստ։ 2025 թվականին (մոտավորապես մարտ-օգոստոս ամիսներին) նախատեսված է «Աստծո շունչը» ցուցահանդեսը, որտեղ իրենց պատվավոր տեղն են զբաղեցնելու Հայաստանից բերված խաչքարն ու Տաթևի վանական համալիրի մանրակերտը, որոնք արդեն իսկ հիանալի համալրում են դարձել Վաշինգտոնի Աստվածաշնչի թանգարանի հավաքածուում։
