ՏԱԹԵՎԻ ՎԱՆՔ

Ձիթհանը «Տաթևի վերածնունդ» ծրագրի շրջանակում վերականգնված առաջին ճարտարապետական կառույցներից է և այժմ ամբողջությամբ շահագործելի է: Ներկայում Ձիթհանի տարածքում գործում են թանգարան և հուշանվերների խանութ: Այստեղ նաև տեղադրվել է ձայնային համակարգ, որը հնարավորություն է տալիս այցելուներին ներկայացնելու այս շինությանն առնչվող հետաքրքիր պատմություններ:

Նախքան հյուսիսային մուտքի վերականգնումը, փորձագետներն ուսումնասիրել են տարածքի սեյսմիկ վիճակը, կատարել են երկրաֆիզիկական, երկրաբանական և նյութաբանական ուսումնասիրություններ, ինչպես նաև շինության ինժեներական զննություն, այդ թվում՝ լազերային սկանավորում: Բացի այդ, նախքան վերակառուցման աշխատանքների մեկնարկը, ուսումնասիրվել են արխիվային փաստաթղթեր և գծագրեր, ինչը թույլ է տվել վերականգնումն իրականացնել պատմական ոճին և կառուցվածքին խիստ համապատասխան ճշգրտությամբ:

Աղբյուրի վերակառուցումը մեկնարկեց հյուսիսային մուտքի վերակառուցման աշխատանքներին զուգընթաց: Նախապես իրականացվել է պատմական և հնագիտական ուսումնասիրություն՝ աղբյուրի սկզբնական տեղադիրքը որոշելու համար: 1970-1980-ականներին իրականացված վերակառուցման ընթացքում աղբյուրը թաղվել էր, իսկ հետագայում՝ գտնվել հյուսիսային մուտքի և Սբ. Աստվածածին եկեղեցու միջև ընկած տարածքում:

Սբ. Աստվածածին եկեղեցին կառուցվել է 1080-ականներին: Վերջինս չի ավերվել ո՛չ 1931 և ո՛չ էլ 1968 թթ.–ին տեղի ունեցած երկրաշարժերի ընթացքում: Եկեղեցին ամբողջությամբ վերականգնվել է 2018-ին: Վերաօծվել է և պաշտոնապես բացվել նույն տարվա հոկտեմբերին:

Օժանդակ շինություններից մի քանիսը 2019-ից ի վեր գործել են որպես թանգարան: Այստեղ ցուցադրված են պատմական արժեք ներկայացնող նմուշներ, ներառյալ՝ վերակառուցման աշխատանքների իրականացման ընթացքում հայտնաբերված առարկաները:

«Լքված կիրճի հիշողություններ». ցուցահանդես Ձիթհանում
Վերականգնման աշխատանքների ընթացքը

…վերակառուցման և պահպանման ամենաբարձր չափանիշներին համապատասխան