FAST | ԳԻՏՈՒԹՅՈՒՆ

Հայկական գիտության հիմնարար մարտահրավերը ծերացող հետազոտական համայնքն է և STEM հետազոտողների նոր սերնդի զարգացման անհրաժեշտությունը:

Որպեսզի խոստումնալից ասպիրանտները կարողանան լիարժեք կենտրոնանալ իրենց կրթության վրա, FAST-ը մշակեց կրթաթոշակային ծրագիր ՀՀ քաղաքացիների և հայազգի թեկնածուների համար, որոնք ցանկություն են հայտնել Հայաստանի առաջատար համալսարաններում հետազոտական կրթություն ստանալ STEM ոլորտներում:

«FAST-ի կրթաթոշակն ինձ համար «փրկություն» էր, քանի որ ֆինանսական ռեսուրսների սղության պատճառով ես լուրջ մարտահրավերների բախվեցի հետազոտությունս շարունակելու հարցում: Ծրագրի շնորհիվ ես կարողացա լիովին կենտրոնանալ իմ հետազոտության վրա: Ավելին, ձեռք բերեցի ինքնավստահություն և հավատ այն ամենի հանդեպ, ինչով զբաղվում եմ: Շատ շնորհակալ եմ «FAST» կրթաթոշակի թիմին և այն մարդկանց, որոնք ջանք չխնայեցին այս գեղեցիկ ծրագիրը ստեղծելու համար»:

Lilit Khachatryan

Program Fellow PhD Student, Institute of Botany after A. L. Takhtajyan of the National Academy of Sciences, Armenia

FAST- ը ստեղծեց ճամփորդական դրամաշնորհային ծրագիր` նպատակ ունենալով խթանելու հայ և միջազգային STEM հետազոտողների համագործակցությունը:

Ծրագիրը նախատեսված էր հայաստանաբնակ հետազոտողներին`իրենց գործընկերներին այցելելու, ինչպես նաև միջազգային հետազոտողներին` Հայաստան այցելելու համար դրամաշնորհներ հատկացնելու նպատակով: Դրամաշնորհառուներն աշխատել են համատեղ գիտական նախագծերի վրա մոտավորապես 3 ամիս և համատեղ հրապարակումներ ունեցել բարձր հեղինակություն ունեցող ամսագրերում: Այս ջանքերն ուղղված էին հայկական հետազոտական արդյունքների զարգացմանը:

«Ճամփորդական դրամաշնորհն աշխատանքային առաջընթաց ապահովեց ինձ համար և օգնեց ինձ մեծ հաջողություններ ունենալ հեղինակավոր «Horizon 2020 Marie Skłodowska Curie» անհատական կրթաթոշակի հարցում: Ես ոչ միայն հնարավորություն ստացա սովորելու ինձ հյուրընկալող Իսպանիայի «Instituto de Ciencias de la Vid y del Vino (ICVV)» ինստիտուտի մասնագետների մոտ, այլ նաև մենք այժմ նախատեսում ենք շարունակել մեր համագործակցությունը Երևանի պետական համալսարանի հետ հայկական և եվրոպական խաղողի գենետիկական պաշարների համեմատական ուսումնասիրությունների շրջանակներում՝ մոլեկուլային, գենոմային և բջջային մակարդակներում»։

Աննա Նեբիշ

 ծրագրի դրամաշնորհառու, դասախոս և հետազոտող, Երևանի պետական համալսարան, ՀՀ գիտությունների ազգային ակադեմիայի մոլեկուլային կենսաբանության ինստիտուտ